Hlynur Freysson

Gleðilegt nýtt ár 2011

2011-01-14T19:05:00.002Z

Gleðilegt nýtt ár kæru vinir. Hér til hliðar eru myndir frá desember 2010.

Kv. Hlynur

Nýjar myndir frá sumri, hausti og vetri 2010

2010-11-25T05:00:00.002Z

Sæl öll

Þá er mamma búin að setja inn heilan helling af myndum frá sumri, hausti og byrjun vetrar 2010. Ef þið vitið ekki lykilorðið sendið þá póst á mömmu á helgarun hjá gmail.com.

Kveðja Hlynur

4 ára

2010-05-15T13:58:00.004Z

Hæ og hó

Þá er ég orðinn 4 ára gamall. Mamma og pabbi eru nú bara varla að trúa því hvað ég er orðinn stór og finnst tíminn líða alltof hratt. Ég hélt uppá afmælið heima hjá mér í maí og kom fjölskyldan fyrst í brunch en síðar um daginn bauð ég vinum mínum í sjóræningjaveislu. Allir komu í búningum og var síðan haldið smá ball þar sem var tjúttað við td Súperman lagið. Það fannst mér gaman. Datt reyndar aðeins og sprengdi vörina en var fljótur að jafna mig. Ég fékk mikið af skemmtilegum pökkum og þakka kærlega fyrir mig.

Mamma er búin að setja inn myndir hérna til hliðar.

Endilega kvitta í gestabókina.

Knús, Hlynur

Margt skemmtilegt að gerast

2010-03-08T12:56:00.002Z

Sæl öll

Í febrúar og mars er sko búið að vera margt skemmtilegt að gerast. Í febrúar var bolludagurinn, og þá var ég ofsalega duglegur að hjálpa pabba við að baka sænskar bolludagsbollur sem heita Semlor. Mér fannst þær mjög góðar. Ég fór í bollukaffi til Trausta frænda og það var mjög skemmtilegt. Á öskudaginn valdi ég að vera konugssonur og bjó mér til rosalega flottan búning sjálfur á Mýri.

Í mars fór ég í heimsókn í Latabæ. Ég var ekkert smá spenntur. Ég fékk að skoða allt dótið sem er notað til að gera þættina og ég var ekkert smá glaður að fá að fara inní loftskipið sem Íþróttaálfurinn á. Síðan hitti ég Íþróttaálfinn sjálfan sem var auðvitað alveg hrikalega skemmtilegt og spennandi.

Mamma er búin að setja inn myndir af þessu öllu saman hérna til hliðar. Ef þú veist ekki lykilorðið þá skaltu senda henni póst á helgarun hjá gmail.com.

Kveðja, Hlynur.

Nýtt ár

2010-02-13T19:12:00.004Z

Sæl öll

Nú er ég aldeilis orðinn stór og duglegur strákur enda orðinn 3 ára og 9 mánaða gamall. Sum sé farið að styttast í að ég verði 4 ára. Ég þroskast hratt og er svo duglegur að tala og leika mér. Íþróttaálfurinn er ennþá í miklu uppáhaldi en ég er líka farinn að hafa mikinn áhuga á sjóræningjum, sverðum, riddurum og slíku. Öskudagurinn er framundan og þá er ég búinn að ákveða að vera konungssonur og er búinn að búa mér til skykkju, belti, kórónu og sverð.

Mamma er búin að setja inn myndir frá seinni hluta ársins 2009. Þar er að finna margar góðar myndir þar sem ég var duglegur að fara í ferðalög, fara í húsdýragarðinn og fara í Latabæjarhlaupið. Einnig eru myndir frá jólum, áramótum. Ef þú veist ekki lykilorðið þá skaltu senda póst á mömmu á helgarun hjá gmail.com

En hafið það sem allra best og kvittið endilega í gestabókina hérna til hliðar,

ykkar vinur Hlynur

Sumar

2009-06-18T09:43:00.002Z

Hæ allir saman!

Mamma var að setja inn nýjar og skemmtilegar myndir. Endilega að kíkja á þær og kvitta síðan í gestabókina. Ef þið hafið ekki aðganginn sendið þá póst á mömmu á helgarun hjá gmail.com.

Ég er orðinn svo duglegur að tala og finnst gaman að spá og spekulera um lífið og tilveruna, hérna eru nokkur dæmi um það sem ég hef verið að segja eftir að ég varð 3 ára:

Mamma að taka myndir af Hlyni:
Vittu kaka mynd meira? Afhverju ekki ég / þú kaka mynd? (Ef foreldrarnir eru ekki á sömu skoðun um hann þá er spurt afhverju hann megi ekki gera hitt og þetta.)

Vittu raka mér, ég með skegg, ég verð að raka mér.

Ég get alveg sjálfur. Ég er að klæða úr. Núna ídarrabussur (íþróttaálfsbuxur). Þær rosalega flottar. Þetti passar.

Hlynur: Pabbi, má ég lita símanum?
Pabbi: Nei ekki núna, pabbi er að nota símann.
Hlynur: Vittu segja já pabbi?
Pabbi: Nei því miður pabbi er að nota símann.
Hlynur: Mamma, vittu segja já við pabba?

Rúna vinkona er svo skemmtileg stelpa, hún er vinkona mín. Mamma hennar er líka vinkona þín.

Hver er að læra mamma í dag?

Maximús kús kús (Maximús Músikus)

Mamma þú ert ekki með skegg, þú er lítil eins og ég

Hlynur að kúra einn morguninn. Pabbi, ég heiti Hlynur Freysson og mamma á mig en líka þú.

Penninn virkar ekki Nanna. Hann er batteríslaus!

Mamma, ég elska þér, þú ert besti vinurinn minn!

kveðja, ykkar vinur Hlynur

3 ára!

2009-05-25T18:37:00.003Z

Sæl öll

Núna er ég orðinn 3 ára gamall. Mamma mín og pabbi eru varla að trúa hvað ég er orðinn stór og duglegur, þeim finnst tíminn líða svo hratt. Ég hélt uppá afmælið mitt nýlega, þurfti að fresta einu sinni vegna þess að ég var veikur á sjálfan afmælisdaginn.

Fjölskyldunni var boðið í brunch og var rosalega gaman að hitta alla og knúsa. Síðar sama dag komu vinir mínir og foreldrar þeirra og það var sko heldur betur mikið fjör. Ég varð ægilega hissa þegar leynigestur kom í heimsókn. Leynigesturinn var Íþróttaálfurinn sem ég held svo mikið uppá. Við gerðum alls konar æfingar saman og vorum við að hjálpa honum að fá orkuna sína aftur eftir að Glanni glæpur plataði hann til að borða sykurepli. En eftir að við vorum búin að hjálpa honum þá gat hann gert 2 heljarstökk í stofunni heima hjá mér!

Ég fékk mikið af fínum og skemmtilegum pökkum og þakka kærlega fyrir mig.

Hér til hliðar má sjá myndir, ef þú veist ekki notendanafnið og lykilorðið sendu þá póst á mömmu á helgarun hjá gmail.com.

Kveðja, Hlynur.

Nýjar myndir

2009-02-26T22:29:00.003Z

Sæl öll

Núna er mamma búin að setja inn heilann helling af myndum frá m.a. jólunum og áramótun og síðan núna frá öskudeginum.

Allt gott að frétta af mér, er duglegur á Mýri og er nánast orðinn altalandi. Mamma mun blogga meira seinna þegar hún hefur meiri tíma.

Ef þið hafið ekki aðgang að myndunum sendið þá póst á mömmu mína á helgarun hjá gmail.com.

knús, Hlynur

Gleðileg Jól og farsælt komandi ár.

2008-12-22T00:03:00.004Z

Við óskum lesendum gleðilegra Jóla og farsældar á komandi ári.

knús, ykkar Hlynur

Nýjar myndir og nýtt myndband

2008-11-13T20:31:00.004Z

Sæl öll sömul

Ég er orðinn svo duglegur að tala og segi heilar setningar ásamt því að bulla smá inná milli =) Mér líður ofsalega vel á nýja leikskólanum mínum og finnst gaman að leika mér við alla krakkana sem eru þar.

Í október snjóaði talsvert og fór ég út að leika mér með mömmu á snjóþotu og fannst æðislegt að renna mér og fór gríðarlega margar ferðir.

Hérna til hliðar eru myndir frá október og hérna fyrir neðan skemmtilegt myndband:

Kvittið endilega í gestabókina =)

Knús, ykkar Hlynur

Skemmtileg myndbönd og nýjar myndir

2008-08-05T14:07:00.006Z

Hérna er ég að fara í kollhnís í fyrsta skipti:

Frá Skarðsvík á Snæfellsnesi:

Einnig eru komnar inn nýjar myndir frá júlí og ágúst. Ef þú veist ekki lykilorðið sendu þá póst til mömmu
á helgarun hjá gmail.com

Sumarkveðja, Hlynur

Sumarfrí

2008-07-24T10:52:00.003Z

Sæl öll

Jæja þá er ég búinn að vera í sumarfríi í nokkrar vikur. Ég hætti á Sólgarði 4. júlí síðastliðinn og var svo í fríi með mömmu til 18. júlí. Við fórum í skemmtilegt ferðalag saman í sveitina, Kálfafell. Langamma Helga kom með okkur en varð svo eftir hjá bræðrum sínum. Trausti frændi og Bryndís Helga frænka voru í heimsókn á sama tíma og skemmtum við okkur konunglega saman. Ég sá beljur, kindur og kisur og fékk að keyra traktor sem var nú bara endalaust gaman. Ég er svo mikill tækjakall (eins og pabbinn minn)! Frá 19. er ég síðan búinn að vera í fríi með pabba mínum. Mamma þarf að vera dugleg á bókasafninu hluta úr degi en kemur svo heim síðdegis til að stússast með okkur feðgunum. Við erum búin að vera dugleg að fara saman í sund og hitta vini okkar og fjölskyldur.

Mamma var að setja inn nýjar myndir frá júlí og má finna þær hérna til hliðar. Ef þú veist ekki notendanafnið og lykilorðið sendu þá póst á helgarun hjá gmail.com.

Sumarkveðja,

Hlynur

Tveggja ára!

2008-05-27T23:49:00.003Z

Halló allir og gleðilegt sumar

Núna er ég orðinn tveggja ára og orðinn mjög duglegur að tala. Ég er alveg sjúkur í gröfur, strætóbíla, vörubíla, rútur og mótorhjól. Ég hrópa á mömmu og pabba í bílnum "sjáju sjáju" og bendi þeim á öll slík farartæki sem ég sé þegar við erum úti að keyra. Ég segi: gjava, djædó, vövubíll og fótóló (mótorhjól) og á eftir fylgir yfirleitt mikið dæs og vááá ásamt ýmsum bílahljóðum. Ég er líka farinn að tengja saman 2 til 3 orð, segi til dæmis: Stóji vövubíli úti (stóri vörubílinn úti).

Það var alveg rosalega gaman þegar ég hélt uppá afmælið mitt. Það voru hvorki meira né minna en 3 boð, eitt fyrir ömmur og afa, eitt í leikskólanum og eitt fyrir vini mína. Mér fannst þetta mjög mikil upplifun og var nú alveg að skilja að það væri eitthvað merkilegt í gangi. Ég var í marga daga fyrir og eftir afmæli að söngla, ammli í da ammli í da. Mér finnst svakalega gaman að syngja og kann mörg lög. Gamli Nói er í miklu uppáhaldi en ég kann einnig litalagið. Mömmu finnst svo fyndið þegar ég segi fastur í staðin fyrir svartur.

Hérna er myndband úr veislunni í leikskólanum.

Mér finnst mjög merkilegt að uppgötva að mamma og pabbi heita ekki bara mamma og pabbi, og ég kalla oft og iðulega á þau með nafni þegar ég þarf að ná sambandi. Ég er duglegur að kíkja í heimsókn til ömmu og afa og fór núna um síðustu helgi með ömmu Sigrúnu og afa Gunnari í Syðri Bót þar sem þau eru að byggja sumarbústað. Amma á eftir að láta mömmu hafa myndir frá þeirri ferð en hérna til hliðar eru myndir frá febrúar, mars og apríl.

Ef þið vitið ekki notendanafnið og lykilorðið að myndunum sendið þá póst á mömmu á helgarun hjá gmail.com.

Knús, Hlynur

Um mig: Hæð, þyngd og fleira.

2007-08-20T21:36:00.004Z

Fæðing:
-Ég kom í heiminn 26. apríl 2006 kl 01:03 á LSH í Reykjavík.
-Ég vó 4185 gr (17 merkur) og var 54 cm á lengd.
-Þegar ég fæddist var hárið mitt rauðleitt og augun blá.
-Fæðingin var töluvert erfið fyrir mömmuna mína og var ég tekinn með keisaraskurði eftir 24 klst baráttu. Ég var á vökudeildinni í nokkrar klst áður en ég og mamma vorum lögð inn á sængurkvennadeildina þar sem við vorum fyrstu 5 daga lífs míns.

Hæð og þyngd:
-Fæðing 4185 gr og 54 cm. Ummál höfuðs: 37
-2ja vikna 4390 gr. UH: 38
-3ja vikna 4650 gr. UH: 39
-1 mánaða 4950 gr. UH: 40
-6 vikna 5715 gr og 59 cm. UH: 40,5
-9 vikna 7160 gr og 62 cm. UH: 42
-3 mánaða 7895 gr og 64 cm. UH: 43,3
-5 mánaða 9650 gr og 69 cm. UH: 45,8
-6 mánaða 10260 gr og 70,5 cm. UH: 46,8
-8 mánaða 11085 gr og 74 cm. UH: 48,5
-10 mánaða 11340 gr og 76,5 cm. UH: 49
-12 mánaða 11830 gr og 77,5 cm. UH: 49,5
-18 mánaða 13110 gr og 82 cm. UH: 51
-4 ára 17500 gr og 103 cm.

Skírn:
-Ég var skírður 1. júlí 2006 í Dómkirkjunni í Rvk og hélt langamma Auður á mér undir skírn
-Presturinn heitir Sr. Anna Sigríður Pálsdóttir
-Skírnarvottar voru Signý Sigurþórsdóttir, æskuvinkona pabba, og Trausti Jónsson, guðfaðir mömmu s.s. "guðafi" minn.
-Í skírnargjöf fékk ég svakalega mikið af fallegum gjöfum, takk kærlega fyrir mig.

Ýmislegt:
-Fyrsta sinn út í vagn: 2 vikna
-Fyrsta brosið: 3 vikna
-Fyrsta hjalið: 4 vikna
-Fyrsti hláturinn: 12 vikna
-Heldur höfði: 5 vikna
-Lyftir sér upp á olnbogana: 6 vikna
-Veltir sér á magann: 12 vikna
-Veltir sér á bakið: 13 vikna
-Veltir sér heilan hring: 15 vikna
-Færir hluti milli handanna: 16 vikna
-Ýtir sér í hring á maganum með höndum: 19 vikna
-Bakkar: 20 vikna
-Ýtir sér áfram: 20 vikna
-Fer upp á 4 fætur sjálfur: 29 vikna
-Byraði í ungbarnasundi: 5 mánaða.
-Stendur upp sjálfur: 7 mánaða og 9 daga
-Skríður: 7 mánaða og 18 daga
-Gengur með: 8 mánaða
-Klappar saman lófunum: 8 mánaða og 17 daga
-Vinkar: 8 mánaða og 27 daga
-Sest upp án aðstoðar: 9 mánaða
-Stendur óstuddur og sest niður: 9 mánaða og 1 dags
-Sleppir sér og stendur sjálfur: 9 mánaða og 12 daga
-Lyftir höndum þegar hann "er stór": 9 mánaða og 7 daga
-Tekur fyrstu skrefin: 10 mánaða
-Gengur óstuddur: 11 mánaða
-Stendur upp óstuddur: 1 árs og 20 daga
-Talar í síma: 1 árs og 3 mánaða.
-Gengur upp tröppur með aðstoð: 20. mánaða

-Hætti að nota snuð: 3 ára og 10 mánaða
-Hætti að nota bleiu á daginn: 3 ára og 8 mánaða
-Hætti að nota bleiu á nóttunni: tæplega 4 ára.

-Þekkir og skrifar stafinn sinn rúmlega 3 ára og 9 mánaða.

-Fór fyrst í pössun: 5 vikna
-Fór fyrst í barnagæslu: 8 mánaða og 22 daga
-Fór fyrst í næturpössun: 10 mánaða og 12 daga
-Byrjaði á leikskólanum Sólgarði: 1 árs og 26 daga. Deildin heitir Putaland.
-Byrjaði á leikskólanum Mýri 2 ára og 4 mánaða. Byrjaði þá á Flugumýri. Færðist upp ári seinna á Kríumýri.

-Fyrsta orðið var datt og þá meinti ég datt, þá var ég 11 mánaða.
-Helstu orð þegar ég er 16 mánaða: Mamma, dada, Nanna, amma, minna (þýðir meira), hló hló (þýðir halló) og svo fullt af hlynsku sem fæstir skilja.
-Helstu orð þegar ég er 21. mánaða: Hlynu, bauð (brauð), epli, banani, lós (ljós), duttana (puttarnir), dædda (tærnar), auju (augu), eyju (eyru), munnuni, háið, beddi (nebbi), bóm (blóm), dúbbani (Stubbarnir), dida (sitja), botti (bolti), mími (sími), jóki (mjólk) og nammi namm (matur).

-Uppáhaldsleikföng þegar ég er 16 mánaða: Símar og aftur símar, ryksugan og svo símar.
-Þegar ég er 21. mánaða: Ennþá símar, bíllinn minn, kubbar og litir.
-Tók fyrst þátt í Latabæjarhlaupinu 2008 og sá þá í fyrsta skipti íþróttaálfinn leika listir sínar. Hefur síðan þá haft mikinn áhuga á að standa á höndum og gerar hinar ýmsustu íþróttaæfingar. Tók aftur þátt í Latabæjarhlaupi 2009.
-4 ára er ÍÁ ennþá uppáhaldshetjan en einnig byrjaður að hafa mikinn áhuga á sjóræningjum og sverðum. Útbýr Latabæjar loftskip og skutlu úr grjónapúða og stýri ásamt að stilla upp stóli og snúa hlaupahjóli á hvolf.

-Er mjög hrifinn af Playmo 4 ára.

Tanntaka:
-Fyrsta tönnin fannst 8. október 2006, þá var ég tæplega 22 vikna, hún fannst í neðri góm.
-2. tönnin fannst í neðri góm 15. október 2006.
-3. tönnin fannst í efri góm 27. janúar 2007
-4. tönnin fannst í neðri góm 9. febrúar 2007
-5. tönnin fannst í neðri góm 26. febrúar 2007.
-6. tönnin fannst í efri góm 5. mars 2007.
-7. tönnin fannst í efri góm 9. mars 2007.
-8. tönnin fannst í neðri góm 1. apríl 2007.

-Fyrsti jaxlinn: 14 mánaða og 15 daga.
-2. jaxlinn: 15 mánaða.
-3. jaxlinn: 15 mánaða og 13 daga.
-4. jaxlinn: Kominn hálfur 20. mánaða.

Flestar barnatennur komnar 21. mánaða

Matur:
-Ég var á brjósti til 12 mánaða aldurs.
-Ég fékk graut í fyrsta skipti þegar ég var 5 mánaða.
-Ég byrjaði að borða fasta fæðu um 7 mánaða.
-Ég borða sjálfur tæplega 16 mánaða.

-6 mánaða er uppáhaldsmaturinn minn banani
-12 mánaða er uppáhaldsmaturinn ávextir, cheerios og rúsínur
-20. mánaða er ég nú svolítill gikkur en mér finnst plokkfiskur, slátur og kjötfarsbollur góðar. Mér finnst brauð og flatkökur með osti rosalega gott.

2006-11-14T11:59:00.000Z

Halló allir !

Ég segi nú bara allt mjög gott þessa dagana. Ég er á fullu að æfa mig í að skríða og fer upp á fjórar fætur og rugga á fullu, svo er ég að fatta hvernig ég get komist áfram en dett um leið og ég hreyfi mig mikið. Ég er líka farinn að geta setið alveg sjálfur og er alveg svakalega montinn með mig. Tennurnar eru komnar vel upp en það bólar ekki á fleirum í bili. Mér finnst svakalega gott að borða og mamma er dugleg að lofa mér að smakka nýjar tegundir, banani er samt alveg uppáhaldsmaturinn minn ennþá.

Ungbarnasundið gengur vel en ég var ekkert sérstaklega hrifinn af því að fara í kaf. Varð eiginlega bara ofsalega móðgaður út í kennarann og líst ekkert á það þegar hann ætlar að taka mig til að sýna mér hvernig ég á að gera hlutina. En það lagast nú fljótlega. Ég er auðvitað orðinn doldið gamall og þá er aðeins erfiðara að fara í kaf en alveg í lagi samt. Ætla að prófa það aftur í dag og þá ætlar mamma að prófa að setja mig í kaf. Ég elska að busla og vera lítill andarungi (fyrir utan að fara í kaf) =)

Annars er bara allt gott að frétta af mömmu og pabba. Mamma ætlar að halda áfram að vera heima hjá mér en er farin að huga að dagvistun fyrir mig, sækja um á leikskóla og svoleiðis. Pabbi er að athuga með vinnur og fer örugglega að vinna í þessum mánuði, mér finnst það nú ekkert skemmtileg, svo kósý að hafa pabba heima. Ég er að reyna að vera duglegri að sofa meira á nóttunni, held að mamma sé orðin svoldið þreytt á að vakna svona mikið á nóttunni.

Það eru komnar inn nýjar myndir frá nóvember. Sendið póst á mömmu á helgarun hjá gmail.com ef þið vitið ekki lykilorðið.

Bless í bili, knús

Hlynur

Nýjar myndir

2006-11-03T15:08:00.000Z

Jæja þá er mamma búin að setja inn nýjar myndir frá september, október og skírnarmyndir. Einnig er hún búin að breyta útlitinu á myndunum. Sendið mömmu póst á helgarun hjá gmail.com til að fá notendanafn og lykilorð.

Annars er allt gott að frétta. Ég var að vísu smá veikur í gær og fékk dáldinn hita og var svoldið lumpinn en núna líður mér betur og verð vonandi hress sem fyrst. Ég fór í 6 mánaða skoðun í vikunni og fékk sprautu. Ég grét smávegis en jafnaði mig fljótt. Einnig var ég viktaður og mældur. Ég er orðinn 10,3 kg og 70,5 cm. Læknirinn var svo ánægður með mig og sagði að ég væri flottur strákur (mömmu og pabba finnst það sko líka, tíhí). Ég er kominn með 2 tennur og mamma og pabbi ætla að fara að kenna mér að nota tannbursta, það verður spennandi. Ég er líka farinn að borða á fullu og finnst banani svakalega góður.

Knús, Hlynur.

vegna fjölda áskorana...

2006-10-31T12:02:00.000Z

6 mánaða

2006-10-26T23:16:00.000Z

Í dag er Hlynur 6 mánaða.

Á morgun fer fjölskyldan í fyrsta tíma í ungbarnasundi og því var fína sundskýlan prófuð.

Gestabókin og nýjar myndir

2006-09-25T23:17:00.000Z

Skrifið endilega í gestabókin mína. Það er gert með eftirfarandi hætti:

1. Smellið á "Sign my guestbook - Click here" hnappinn fyrir neðan Gamalt og gott.
2. Smellið á "Post".
3. Fyllið inn í reitina nafn, netfang, heimasíða, borg og skilaboð.
4. Sláið inn stafina sem eru í svarta kassanum í hvíta kassann.
5. Veljið svo "Post entry" til að klára færsluna.

Svo er mamma búin að setja inn nýjar myndir af mér sem eru flokkar eftir mánuðum einnig eru myndir frá París og 1. júlí. Annars er allt mjög gott að frétta og ég er að fara í 5 mánaða skoðun á morgun. Það verður virkilega spennandi að sjá hvað ég er orðinn þungur og langur, einnig á ég á fá sprautu gegn kíghósta, barnaveiki, stífkrampa, Hib og mænusótt. Ég var rosalega duglegur síðast og grét ekki og verð það örugglega aftur.

Heyrumst aftur fljótlega

kveðja, Hlynur

Sæl og blessuð öll sömul

2006-09-22T11:22:00.000Z

Ég segi nú bara allt það besta og er sko í rosalegu stuði þessa dagana. Ég vill taka í allt og smakka á öllu og er farinn að ýta mér áfram til að ná í hlutina ef þeir eru ekki alveg hjá mér. Ég velti mér um allt og finnst fátt skemmtilegra þegar annað hvort mamma eða pabbi liggja hjá mér og leika við mig.

Í kvöld erum við svo að fara í rosalega fína innflutnings grillveislu hjá Ingu "frænku" og Árna "frænda" þar sem ég kem til með að hitta vinkonur mínar þær Eyrúnu Ólöfu og Láru Dís og vin minn hann Magnús Breka og svo auðvitað fullt af fleiri "frænkum" og "frændum".

Hafið það nú gott og njótið góða veðursins

kveðja Hlynur

Um mig: Hæð, þyngd og fleira.

2006-08-24T12:19:00.000Z

Velkomin á heimasíðuna mína

2006-08-06T21:04:00.000Z

Loksins hafa foreldrar mínir, þau Freyr og Helga, opnað fyrir mig heimasíðu þar sem þau munu reyna að vera dugleg að setja inn nýjar myndir og kannski nokkra pistla um hvernig mér gengur og hvað ég er að gera.

Njótið vel!

Kveðja,

Hlynur